Сунтаар улууһун олохтоохторо тыа хаһаайыстыбатыгар анаммыт бырагыраамаларга көхтөөхтүк кытталлар.
Ол курдук, Хадан нэһилиэгин олохтооҕо Маргарита Кириллина хаһаайыстыбатын кэҥэтэр, сайыннарар сыалтан 2017 сыллаахха «Саҥа саҕалыыр бааһынай хаһаайыстыба» федеральнай бырагыраама гранын ылбыта. Онно тирэҕирэн, сүүс сүөһү турар хотонун тутунна. Юрий Соловьев салайааччылаах биригээдэ саҥа хотону аныгы матырыйаалынан бэрт хаачыстыбалаахтык туппут.
Ирдэбилгэ сөп түбэһэр саҥа хотон малааһыныгар улуус баһылыга Анатолий Григорьев, тыа хаһаайыстыбатын управлениетын салайааччы Иван Тихонов, Хадан нэһилиэгин баһылыга Андрей Оконешников сырыттылар.
Станислав НОГОВИЦЫН, «Саха сирэ» хаһыат, edersaas.ru
+1
+1
+1
+1
+1
+1
+1