Хаҥалас улууһун Хачыкаат сэлиэнньэтигэр стадион сиригэр оҕо оонньуур саҥа былаһаакката тутулунна.
Бу туһунан үөрүүлээх сонунун нэһилиэк баһылыга Ирина Оболкина иһитиннэрдэ. «Былаһаакканы тутарга нэһилиэк бүддьүөтүттэн үп эрдэттэн учуоттаныллыбыта. Былаһааккаҕа саамай үөрбүт, биллэн турар, оҕолор. Буолан баран, турар сирэ олус табыгастаах. Оскуола, уһуйаан аттыгар бааллар. Манна чугас олорор оҕолоох ыаллар элбэхтэр, — диир Ирина Викторовна. -Былааммыт, биллэн турар, итинэн бүппэт. Үүнэр сылга дьон-сэргэ дьарыктанарыгар былаһаакка былааннанар. Онтон 2023 сылга туох баар тэрилинэн толору хааччыллыбыт футболлуур сир оҥоруохпут».
Маны сэргэ, олохтоох көҕүлээһини өйүүр бырагырааманан Хачыкаакка 1900 миэтэрэ устатыгар уулусса уота-күөһэ оҥоһуллубут.
+1
+1
+1
+1
+1
+1
+1