Хабиб Нурмагомедов АХШ-ка буолбут UFC турнирыгар Конор Макгрегоры кытта киирсии кэнниттэн охсуһууну саҕалаабытын иһин күрэхтэһэр бырааба тоҕус ыйга быһылынна итиэннэ мөлүйүөн аҥаара дуолларга ыстарааптанна.
edersaas.ru
Оттон Конор Макгрегор 50 тыһыынча дуолларга ыстарааптанна уонна алта ыйга күрэхтэһэр бырааба быһылынна. Маннык быһаарыыны Невада штат Атлетическай хамыыһыйата ылынна.
Арассыыйа спортсмена онно хардаран хамыыһыйа маннык быһаарыыта бэлиитикэни кытта сибээстээх буолуон сөбүн туһунан Twitter-гэ баар страницатыгар суруйда.
2018 сыл алтынньы 6 күнүгэр ыытыллыбыт UFC 229 турнирыгар Хабиб Нурмагомедов уонна Конор Макгрегор киирсии кэнниттэн буолбут охсуһууга хамаандаларын бэрэстэбиитэллэрин кытта кыттыбыттара. Хабиб Конор Макгрегоры кытта киирсиитин иһин мэктиэлэммит гонорарын суумата икки мөлүйүөн дуолларга тэҥнэһэрэ.
Роман Попов. edersaas.ru
Хаартыска Интэриниэттэн ылылынна.
+1
+1
+1
+1
+1
+1
+1