Балаҕан ыйын 20 — 22 күннэригэр Уһук Илин уокуругар ыччат туризмын сайыннарар сыаллаах сэминээр Хабаровскайга буолан ааста. СӨ Ыччат дьыалаларыгар уонна социальнай коммуникацияларга миниистири солбуйааччы Андрей Сосновскай кыттыыны ылла.
Сэминээр чэрчитинэн «Технологии проектирования полезного путешествия в сфере молодежного туризма» диэн акселерационнай бырагырааманы Арассыыйатааҕы туризм уонна сервис судаарыстыбаннай университета ыытта.
Үөрэхтээһин бырагыраамата исписэлиистэр билиилэрин, кыахтарын үрдэтэр хайысхалаахтык ыытылынна. Эрэгийиэҥҥэ туризмы сайыннарар үлэ дойдуга бэриниилээх буолууну өйдөөн, «туһалаах сырыы» идеологиятын тутуһан, култуура, билим, бырамыысыланнас уонна урбаан эйгэлэрин хабан ыытыллыахтааҕын үөрэттилэр.
Тэрээһиҥҥэ туризм уонна ыччат бэлиитикэтигэр судаарыстыбаннай, муниципальнай исписэлиистэр, түмэл үлэһиттэрэ, экскурсоводтар кыттыыны ыллылар.
Сэминээр кыттыылаахтара дьылабыай бырагыраама иһинэн бастыҥ быраактыкаларын кэпсээтилэр уонна ыччат туризмын сайыннарыыга биир санааҕа кэлэн, уопсай түмүктэри таһаардылар.
СӨ Ыччат дьыалаларыгар уонна социальнай коммуникацияларга министиэристибэ.