Бүгүн – Тыйаатыр аан дойдутааҕы күнэ.
Татьяна Маркова, «Саха сирэ» хаһыат, https://edersaas.ru/
Онон, үтүө үгэс быһыытынан, Тыйаатыр деятеллэрин сойууһа (СТД) иилээһининэн-саҕалааһынынан, кулун тутар 21-27 күннэригэр өрөспүүбүлүкэҕэ IХ “Хаарыан хампа…” тыйаатыр бэстибээлэ ыытыллан, түмүктэнэн эрэр.
Манна Саха сирин тыйаатырдара кэнники икки сыл иһигэр туруорбут саамай бастыҥ үлэлэрин көрдөрөллөр.
Бүгүн киэһэ түмүк тахсыаҕа, дьүүллүүр сүбэ “Бастыҥ испэктээк”, “Бастыҥ эр киһи оруола”, “Бастыҥ дьахтар оруола”, о.д.а. номинациялар кыайыылаахтарын быһаарыаҕа.
Бэстибээл көҕүлээччитэ. П.А.Ойуунускай аатынан Саха академическай тыйаатыр артыыстара, куруутун да буоларын курдук, “Хаарыан хампа…” саҕаланыан эрэ иннинэ, кулун тутар 20 күнүгэр сааскы биир ыйдаах гостуруолтан эргиллэн кэллилэр.
Быйылгы гостуруолга 3 биригээдэ Амма, Бүлүү, Үөһээ Бүлүү уонна Булуҥ улуустарын хайысхаларынан ситиһиилээхтик сырытта. Холобур, Тиксиигэ Саха тыйаатырын “Үбүлүөй” уонна “Кэргэн кэпсэтии” (А.Чехов) премьералара көрөөччү улахан сэҥээриитин ылбыттар. Атын да улуустарга, тыйаатыр урут хаһан даҕаны тиийэ сылдьыбатах сирдэригэр тиийтэлээн, дьону-сэргэни сэргэхсиппиттэрэ, үөрдүбүттэрэ кэрэхсэбиллээх.
Оттон режиссер Андрей Борисов бу “театральнай” күннэргэ бэйэтин саҥа кинигэтин сүрэхтээтэ.
Татьяна Маркова, «Саха сирэ» хаһыат, https://edersaas.ru/