Дьокуускайга хаарбах дьиэттэн дьону көһөрүү бырагыраамата салҕанар.
«СӨ олорор дьиэни тутуу дириэксийэтэ» ГКУ Дьокуускай куоракка тутулла турар дьиэҕэ толору хааччыллыылаах уон биэс кыбартыыраҕа электроннай аукцион биллэрбитэ. Бу «2019-2025 сылларга гражданнары хаарбах туруктаах дьиэлэртэн көһөрүү» өрөспүүбүлүкэтээҕи аадырыстаах бырагыраама иитинэн ыытыллар.
Биирдии хостоох 14 уонна икки хостоох биир кыбартыыра былааннанар. Дьиэ-уот ис өртө ситэриллибит-хоторуллубут, уотунан хааччыллыыга холбоммут буолара ирдэнэр. Маны сэргэ, дьиэ тас өттүнээҕи сирэ-уота оҕо оонньуур былаһааккалаах уонна массыыналары туруорар анал сирдээх буолуохтаахтар. Хантараак быһыытынан, тутааччы кыбартыыралары сакаасчыкка 2022 сыл сэтинньи 20 күнүттэн хойутаабакка туттарыахтаҕа ыйыллар.
Тендергэ кыттарга сайаапкалары алтынньы 1 күнүгэр диэри туталлар.
+1
+1
+1
+1
+1
+1
+1