Субуотаҕа Мүрү күөл мууһуругар «Хаар Айан» массыына күрэхтэһиитэ буолла.
Бу күн Уус Алдан улууһун киинигэр — Бороҕон сэлиэнньэтигэр Мүрү күөл мууһугар биэс уонтан тахса УАЗ массыына тэҥинэн бирилээтэ-барылаата.
Түмүккэ, муҥутуур кыайыылааҕы быһаарар сүүрдүүгэ 24 массыына (көрбүрээтэрдээх уазиктарга)
Таатта улууһун чиэһин көмүскүүр Петр Аргунов хамаандата биэтэккэ бастакынан кэлэн кыайыылаах аатын сүктэ. Кыайыылааҕы Уус Алдан улууһун дьаһалтата 30 000 солкуобайдаах сертификатынан наҕараадалаата. Инжектор мотуордаах уазиктар туспа күрэхтэстилэр, онно Дьокуускай куорат хамаандата кыайда.
Кыайыылаах санаата
Петр Аргунов, кыайыылаах хамаанда хапытаана:
⁃ Көрбүрээтэрдээх уазиктарга кыайдым. Ый кэриҥэ бэлэмнэммиппит. Хамаандабынан иккис сылбытын кыттабыт. Кыра да буоллар, уопуттаахпыт. Мэхээньиктэрим, иккис пилотум талааннаах, үлэһит уолаттар. Ол иһин кыайдахпыт. Массыынабытын түөрэ барытын ыһан баран хаттаан хомуйабыт, сабыс-саҥа эрэ сапчаастары угабыт. Онон, харчы өттүгэр ороскуоттаах соҕус спорт диэххэ сөп. Былырыын Нуораҕанаҕа буолбут Хаар Айанна эмиэ бастаабыппыт. Хаар Айан — олус тыҥааһыннаах, мүччүргэннээх сырыылаах олус үчүгэй күрэхтэһии. Тэрийээччилэрг махтанабын. Бу ыйга буолар бары түһүмэхтэргэ, биллэн турар, кыттыахпыт. Спонсордарбар «Уран Саха» ювелирнай фирмаҕа (дириэктэр А.Л.Егоров), «Ил Саха» таҥас маҕаһыыныгар махтанабын.
Ыспыраапка
Мантан ыла хас субуота аайы «Хаар Айан» күрэхтэһиилэрэ буолуохтара. Күнүн-дьылын билиҥ, көрө тиийиҥ, билэр дьоҥҥутугар ыалдьыҥ.
Ытык Күөл — кулун тутар 10 күнэ (субуота)
Майа — кулун тутар 17 күнэ (субуота)
Нам — кулун тутар 24 күнэ (субуота).
ВИДЕО: