Хаандыга – Мэҥэ Алдан өрүһү туоруур суол кэлэр нэдиэлэҕэ аһыллыаҕа

Бүлүү өрүһү туоруур айан суолун 956 км. Устье нэһилиэк туһаайыытынан уонна 1049 км. Кириэстээххэ 10 туоннаҕа диэри ыйааһыннаах массыыналарга ахсынньы 9 күнүттэн кыһыҥҥы суол аһылынна.

Ахсынньы 16 күнүттэн Хаандыга- Мэҥэ Алдан хайысхатынан 10 туонналаах тиэхиньикэ Алдан өрүһү туоруура көҥүллэниэ.  

Дьокуускай – Аллараа Бэстээх туһаайыытынан Өлүөнэ өрүһү туоруур кыһыҥҥы айан суола быһа холоон, 2020 сыл тохсунньу 5 күнүгэр аһыллыахтаах. Чуолкай күнэ-дьыла халлаан туругуттан тутулуктаах буолуоҕа.

Ол туһунан «Росавтодор» иһинээҕи «Бүлүү» айан суолун управлениета иһитиннэрэр. Биэдэмистибэ айанньыттар суол бэлиэтин өйдөөн көрөллөрүгэр уонна көҥүллэммит ыйааһыны тутуһалларыгар ыҥырар.

«Саха сирэ», edersaas.ru