Хаандыгаҕа Вячеслав Штыров аатынан гимназия саҥа дьиэтэ арылынна

19.12.2020
Бөлөххө киир:

Бүгүн Ил Дархан Айсен Николаев Томпо улууһун киинигэр Хаандыгаҕа В.А.Штыров аатынан элбэх хайысхалаах  саҥа гимназия арыллыытыгар сырытта.

edersaas.ru

Ил Дархан улуус олохтоохторун саҥа үөрэх  кыһата арыллыбытынан эҕэрдэлээтэ. Гимназия «Уһук Илин сайдыытын социальнай-экономическэй сайдыыта» РФ бырагырааматын чэрчитинэн тутулунна. Тутууга дойду бүддьүөтүттэн 251,5 мөлүйүөн солкуобайы көрбүттэрэ.

3477 кв м. иэннээх икки этээстээх таас дьиэ кылгас болдьох иһигэр тутуллан бүттэ.

Ил Дархан гимназияҕа «ГАЗель» оптуобуһу ыларга сертификат бэлэхтээтэ.

Санатан этэр буоллахха, Томпо элбэх хайысхалаах гимназиятын бастакы сыбайаата 2018 сыллаахха түспүтэ. Онно Вячеслав Штыров кыттыбыта. Тэрээһиҥҥэ Вячеслав Анатольевич аатын гимназияҕа иҥэрбиттэрэ.

Томпо гимназията 1998 сыллаахха 1-кы №-дээх Хаандыга орто оскуолатын баазатыгар арыллыбыта. Манна 5-с кылаастан 11 кылааска диэри гуманитарнай, физико-математическэй уонна естественнай хайысхаларынан үөрэнэллэр.

СӨ Ил Дарханын уонна Бырабыыталыстыбатын пресс-сулууспата. 

+1
0
+1
0
+1
0
+1
0
+1
0
+1
0
+1
0