УФСИН холуонньаларын хаайыылаахтара бүтүн Арассыыйатааҕы «Готов к труду и обороне» комплекс нормативтарын туттардылар. Бу тэрээһин «Динамо» уопсастыба уонна эрэгийиэннээҕи тургутуу киинин тэрийиитинэн ыытылынна диэн УФСИН пресс-сулууспата иһитиннэрэр.
Нормативтары 3-с, 6-с нүөмэрдээх холуонньаларга, силиэстийэлиир изоляторга олорор 18-39 саастаах барыта 35 киһи туттарда.
Кинилэр гимнастическай ыскамыйаҕа эрчиллиилэри, ыстаныыга, снаряды быраҕыыга, сүүрүүгэ уо.д.а. көрүҥнэргэ бэлэмнээхтэрин көрдөрдүлэр. Тэрээһин түмүгэ чугаһынан кэмҥэ биллиэхтээх. Нормативтары ситиһиилээхтик туттарбыт дьону ГТО кыһыл көмүс, үрүҥ көмүс уонна боруонса бэлиэлэринэн наҕараадаланыахтара.
Инникитин маннык тэрээһин бу тэрилтэлэргэ өссө даҕаны ыытыллыаҕа.
edersaas.ru
+1
+1
+1
+1
+1
+1
+1