Оччоттон баччаҕа диэри хаайыыга буруйдарын боруостаан олорооччулар ортолоругар тарбахтарыгар талааннаах уус дьон элбэх буолааччы. Бу күннэргэ Үөһээ Бэстээххэ баар 3 №-дээх уопсай режимнээх холуонньа хаайыылаахтарын оҥоһуктарын быыстапката турда. Бу туһунан РФ Накаастабылы толорор федеральнай сулууспатын Саха сиринээҕи управлениетын пресс-сулууспата иһитиннэрдэ.
Вера МАКАРОВА, «Саха сирэ», https://edersaas.ru/
Буруйун боруостаан олорор киһи дьарыктаах буолуутун тэрийэр сыалтан холуонньаҕа 318 №-дээх профучилище базатыгар анал куруһуок үлэлиир. Куруһуокка сылдьар дьон оробуочай идэлэри баһылыырын сэргэ, күннээҕи олоххо-дьаһахха туттуллар маллары, сувенирдары оҥорорго үөрэнэллэр.
Ааспыт сылга төһө, хайдах оҥоһуктары бэлэмнээбиттэрин бу быыстапкаҕа көрдөрдүлэр, ол — хартыыналар, хаартыска араамалара,
брелоктар, шкатулкалар, киэргэллэр, наардалар, саахыматтар уо.д.а. Барыта сүүрбэччэ араас оҥоһук.
Вера МАКАРОВА, «Саха сирэ», https://edersaas.ru/
Хаартыскалар: УФСИН пресс-сулууспата.