Дьокуускай куорат 1 №-дээх кытаанах эрэсиимнээх холуонньатын оперативниктара бу кэлиҥҥи күннэргэ 6 киһини туттулар. Бу дьон хаайыыга бобуулаах маллары киллэрэ сатаабыт.
Н. уонна Ш. диэн гражданнар олбуор нөҥүө 2 л испиирдээх утаҕы, 4 суотабай төлөпүөнү, 1 төлөпүөн ииттэрэри, 2 кабели, 1 наушнигы, 1 батареяны быраҕаары гыммыттар («перебросы»).
Г., Л. уонна К. – 3 л испиирдээх утаҕы.
И. – 2 суотабай төлөпүөнү уонна 200 гр доруоһаны.
Бу дьоҥҥо административнай боротокуол толоруллубут.
Бу туһунан РФ Накаастабылы толорор федеральнай сулууспатын Саха сиринээҕи управлениетын пресс-сулууспата иһитиннэрдэ.
Санатан эттэххэ, маннык дьайыылары оҥорбут киһи РФ Административнай кодексатын 19.12-с ыстатыйатынан эппиэккэ тардыллар. Бу ыстатыйанан буруйдаммыт киһи 3 тыһ. солк. — 5 тыһ. солк. суумалаах ыстараап төлүүр.
Биһиги корр., «Саха сирэ» хаһыат, edersaas.ru
Хаартыскалар: РФ Накаастабылы толорор федеральнай сулууспатын Саха сиринээҕи управлениетын пресс-сулууспата.