Маны аах Тыа хаһаайыстыбата

Хааччахтыыр миэрэлэр олохтоннулар

Бэтэринээрдэр хааччахтыыр миэрэлэри тоҕо ылыммыттарый? Манна ааҕыҥ.

Бүгүн бассаап ситиминэн сүөһүгэ кутталлаах ыарыы турбутун туһунан иһитиннэрии тарҕанан, сүөһүлээх дьону улаханнык куттаата. Онон сибээстээн, СӨ Бэтэринээрийэ департаменын Бэтэринээрийэ тэрээһиннэрин тэрийиигэ отделын салайааччыта Юлия Станиславовна Павловаҕа сибээскэ тахса сырыттыбыт. Кини маннык хоруйдаата:

— Саха Өрөспүүбүлүкэтин Бэтэринээрийэ департамена бу дьыл от ыйын 6 күнүттэн Үөһээ Бүлүү улууһун “Мэйик нэһилиэгэ” муниципальнай тэриллии Сайылык сэлиэнньэтин “Маай” учаастагар хороҕор муостаахха  хааһырҕас ыарыы (эмфизематозный карбункул крупного рогатого скота) турбутунан хааччахтыыр миэрэлэри олохтоото. Бу ыарыыны биэс ыйдаах ньирэйтэн булбуттара билиннэ.

Сүөһү бу ыарыыта аан дойдуга бүттүүнүгэр баара бэлиэтэнэр,  ол эрээри ураты кутталлаах ыарыылар ахсааннарыгар киирсибэт. Сүрүннээн сүөһү уонна  буйволлар, биирдэ эмэ козалар, барааннар алдьаллар. Ыалдьыбыт хороҕор муостаах уонна ити ааттаммыт атын кыыл доҕолоҥнуур, атаҕа иһэр, суһал миэрэлэри ылымматахха түргэнник өлүөн да сөптөөх. Харантыын усулуобуйатын быһыытынан бу ыарыыга уорбаламмыт кыылы, сүөһүнү туспа туталлар уонна эмтииллэр-томтууллар, оттон атыттарыгар бу иннинэ ылбыт быһыыларыттан (вакцина) тутулуга суох быһыы туруораллар. Билиҥҥи туругунан бэтэринээрийэ сулууспата бу ирдэнэр быраабылаҕа олоҕуран, тустаах тэрээһиннэри ыытар.

Бэлэмнээтэ Женни Стрюкова

Хаартыска: интэриниэттэн

 

0
0
Telegram @edersaas20