Хааччахтааһынтан тахсыы каартата оҥоһулунна
· - Олох-дьаһах

Хааччахтааһынтан тахсыы каартата оҥоһулунна

Стопкоронавирус.рф” саайтка эрэгийиэннэр хааччахтааһын эрэсиимиттэн тахсалларын көрдөрөр  интерактивнай каарта баар буолла.

edersaas.ru

Үс ый дьиэҕэ олорбуппут кэннэ, үгүс эрэгийиэннэр хааччахтааһын миэрэлэрин сыыйа уһулан эрэллэр. Үгүс эрэгийиэннэр миэрэлэри уһулуу бастакы түһүмэҕэр бааллар: таһырдьа биирдиилээн күүлэйдээһин, спордунан дьарыктаныы көҥүллэнэр, туспа турар дьиэлээх, ааннаах буоллаҕына, атыы тэрилтэлэрэ үлэлииллэрэ көҥүллэнэр.

Москва, Краснодарскай кыраай, Тюмень, Мурманскай, Омскай уобаластар, Калмыкия уонна Карелия иккис түһүмэххэ тиийдилэр. Манна үөрэх тэрилтэлэрэ, 800 кв. миэтэрэттэн кыра иэннээх атыы-эргиэн дьиэлэрэ аһылыннылар.

Сахалин үһүс түһүмэххэ тиийдэ – кафелар, эрэстэрээннэр, мусуойдар, бибилэтиэкэлэр, атыы-эргиэн дьиэлэрэ аһылыннылар.

Интерактивнай каарта көмөтүнэн, эрэгийиэн ханнык түһүмэххэ тиийбитин, ханнык миэрэлэр уһуллубуттарын көрүөххэ сөп.

Хааччахтыыр миэрэлэри усталларыгар маннык көрдөрүүлэри ырытан көрөллөр: инфекция тарҕаныытын коэффициена (биир ыарыһах хас киһини ортотунан сутуйарын ааҕаллар), төһө куойка баара, төһө анаалыс оҥоһуллара, о.д.а. Балаһыанньаны эрэгийиэн баһылыга уонна кылаабынай санитарнай быраас ырытан көрөн баран, быһаарыныы ылыналлар.

Ангелина Васильева, “Саха сирэ” хаһыат, edersaas.ru

Хаартыска: Стопкоронавирус.рф

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

12 − два =