Эрэгийиэҥҥэ коронавирус тарҕаныыта аччаабытынан, СӨ Ил Дархана Айсен Николаев хааччахтааһыны намтатыыга ыйаахха уларытыылары киллэрдэ.
Ыйаахха этиллибитинэн, култуура дьиэлэригэр, киинэ тыйаатырдарыгар, кэнсиэрдэргэ саала 75 %-на туолуон сөп буолла.
Ол эрээри, түүҥҥү кулууптар, караоке-саалалар, атыы-эргиэн кииннэрэ уонна да атын сааратар эбийиэктэр хааччахтааһыннара муус устар 30 күнүгэр диэри уһатылынна. Бу эбийиэктэр түүн 00:00 дылы үлэлииллэр.
Уопсастыбаннай аһыыр сирдэргэ остуоллар икки ардыларыгар дистанция балтараа миэтэрэҕэ диэри кыччаата. Тэҥнээн көрөр буоллахха, бу иннинэ остуоллар икки миэтэрэ ыраах турбуттара.
Маны таһынан, баахтабай ньыманан уонна дьыл кэминэн (сезоннай) үлэлиир дьоҥҥо хааччахтааһын сымнаата. Өскөтүн үлэһит коронавируһунан ыалдьыбыт эбэтэр быһыыны ылбыт буоллаҕына, бэйэни хааччахтааһын, кэтээһин, анаалыс оҥоһуллубат буолла.
65-тэн үөһээ аҕам саастаах, олоҕурбут ыарыылаах дьоҥҥо бэйэни хааччахтаныы эрэсиимэ эмиэ бу ый бүтүөр диэри уһатылынна.
СӨ Бырабыыталыстыбатын пресс-сулууспата
Хаартыска: https://sakha.gov.ru