Коронавирус сыстыганнаах дьаҥынан СӨ сиригэр-уотугар хааччахтааһын миэрэлэрэ кулун тутар 31 күнүгэр диэри уһаатылар.
Маны кытта 65-тэриттэн үөһээ саастаах гражданнарга, хроническай ыарыылаах дьоҥҥо дьиэҕэ бэйэни хааччахтааһын эрэсиимэ эмиэ кулун тутар бүтүөр диэри уһаата.
Эрэсиимҥэ маннык сымнатыылар киирдилэр:
— өрөспүүбүлүкэтээҕи сүрүн тэрээһиннэр уонна муниципальнай таһымнаах үөрэх, кэмпириэнсийэ, форум, култуурунай тэрээһиннэр Суһал ыстаап сөбүлэҥинэн ыытыллыахтарын сөп;
— киинэ тыйаатырдарыгар, тыйаатырдарга уонна кэнсирэдэргэ көрөөччү саалата 75 % туолуон сөп;
— култуура уонна сынньалаҥ пааркаларын, аттракционнар үлэлэрэ көҥүллэнэр;
— тэрилтэлэр эбийиэктэрин генеральнай уонна санитарнай сууйууга-сотууга сабыллаллара ирдэнэн бүтэр. Бу үлэни нэдиэлэҕэ бэйэлэригэр табыгастаах кэмҥэ ыытыахтаахтар.
edersaas.ru
Хаартыска — СИА.