“Ыарыы намыраатаҕына, бэс ыйын 14 күнүттэн хааччахтыыр миэрэлэр сыыйа уһуллуохтарын сөп”, — диэн Ил Дархан Айсен Николаев брифинигэр иһитиннэрдэ.
Өрөспүүбүлүкэ үрдүнэн 2611 киһи коронавируһунан ыарыйда, олортон 1285 киһи үтүөрдэ, 15 киһи тыына быһынна. Нам улууһугар 10 нэһилиэккэ 104 киһи ыарыйда. Алдан оройуонугар сүрүннээн бырамыысыланнай тэрилтэлэр үлэһиттэрэ ыалдьаллар. Дьокуускайга бүгүн 69 киһи ыалдьыбыта билиннэ.
— Өрөбүллэргэ уопсастыбаннай тырааныспар сырыытын тохтотуу, маҕаһыыннары сабыы боппуруоһу быһаарар дии саныыллар эрээри, балаһыанньа өссө да кытаанах. Маасканы, бэрчээккини кэтии эрэсиимин тутуһар хайаан да наадалаах.
Өрөспүүбүлүкэҕэ инфекция тарҕаныытын коэффициена 0,8%-ҥа тэҥнэһэр. Бу көрдөрүү кэнники биэс күнү быһа тулуста, дойду үрдүнэн 12-с миэстэлээх. Бу курдук балаһыанньа нэдиэлэ бүтүөр диэри тулустаҕына, ыарыы намыраан эрэрэ көһүннэҕинэ, бэс ыйын 14 күнүттэн хааччахтыыр миэрэлэр сорохторун сыыйа уһулуохха сөп, — диэн Айсен Сергеевич бэлиэтээн эттэ.
Ангелина Васильева, “Саха сирэ” хаһыат, edersaas.ru
Хаартыска: интэриниэттэн.