“Саха сирэ” уонна «Якутия» хаһыаттар босхо тарҕанар буолбуттара номнуо сылтан орто. Куораттарга, улуустарга, атыы-эргиэн кииннэригэр анал стойкалартан дьон-сэргэ хаһыаттары ылан ааҕар. Быйылгыттан тыһыынчаттан ордук нэһилиэнньэлээх пууннарга аадырыстарынан тириэрдии олохтонно. Нэһилиэккэ диэри хаһыат хайдах тиийэрин элбэх киһи интэриэһиргиир. Онон улуустарга, нэһилиэктэргэ хаһыаттарбыт хайдах тириэрдиллэллэрин көрө-истэ, бу күннэргэ Амма улууһун Эмис нэһилиэгэр фотоаппараат тутуурдаах бара сырыттым.
1. Дьокуускайга «Саха сирэ» хаһыат типографияҕа
хас сэрэдэ ахсын бэчээттэнэн тахсар. Чэппиэр ахсын
улууска айанныыр такси массыыналар «Саха сирэ»
уонна «Якутия» хаһыаттары тиэнэллэр. Хас биирдии
улууска чопчу ахсаанынан ааҕыллан барар. Таксист
багажнигар кичэллик тиэммитин көрөҕүн.
2. Чэппиэр киэһэ Амма улууһун киинигэр олорор
“Сахамедиа” холдинг агенын дьиэтигэр хаһыаттар
тиийэллэр.
3. Агеммыт (үлэһиппит) улуус нэһилиэгин аайы барар хаһыат-
тарын ахсаанынан үллэрэр, наардыыр уонна улуус дьаһалтатын
дьиэтигэр илдьэр. Амма сэлиэнньэтин хаһыаттара атыы кии-
нигэр уонна дьаһалта дьиэтигэр турар стойкаларга ууруллаллар.
Нэһилиэк баһылыктара улуус дьаһалтатыттан бэнидиэнньиккэ
ылан нэһилиэктэригэр илдьэллэр.
4. Нэһилиэк баһылыктара (эбэтэр улуус киинигэр
киирбит дьон, таксистар) хаһыаты нэһи-
лиэккэ илдьэ бараллар. Эмис нэһили-
эгин өлүүтүн Алексей Соловьев кэлэн
ылла.
5. Эмис нэһилиэгин дьаһалтатын дьиэтигэр
хаһыат анал ууруллар сирдээх.
Олохтоохторо онтон киирэн
ылаллар.
6. Хаһыат кэллэҕинэ исписэлиис
Нонна Николаевна Ноговицына бат-
саап-бөлөхтөргө «Саха сирэ» хаһыат
кэллэ, кэлэн ылыҥ» диэн суруй-
ар. Оччоҕо дьон бэйэ-бэйэлэриттэн
истиһэн, өр туруорбакка бүтэрэллэр.
7. Ыал ийэтэ Валентина
Ивановна хонтуораттан хаһыатын баран ылла.
Онон, Ивановтар дьиэ кэргэн саҥа хаһыаты
туттулар, ааҕа олороллор.
Николай Попов, «Саха сирэ» хаһыат, edersaas.ru