“Чэбдик” санаторийтан тахсан баран, хаһыаттарбын ааҕа олорон, “Булчут мучумааннара” диэн сэһэнтэн быһа тардыыны аахтым. Бу айымньыны Михаил Гоголев-Долгун суруйбут. Арааһа, ити сөмөлүөтү көрбүт курдук эбиппин. Сэрии бүттэҕин утаата этэ, бадаҕа. 1946 с. бэс ыйын саҥатыгар Николай Массаевтыын айан суолугар чугаһаан эрдэхпитинэ, сөмөлүөт тыаһа бу бирилээн кэлбитэ. Уонна солооһуннаах суол устун бара турбута. Ити туһунан ыйыталаһан көрбүппүн, ким да көрбөтөх, Чурапчыга түспэтэх…
Америка “Дуглас” диэн аатырбыт сөмөлүөтэ Горнай уонна Хаҥалас кыраныыссаларыгар Дьолоҥкуй үрэҕэр суулла сытарынан биллэр. Кэҥэс соҥус үрэҕи батан, синньигэс соҕус хара мастар быыстарынан ойууру солоон этэҥҥэ олорбут.
Михаил Гоголев суруйарынан, онно сылдьыбыт эбит. 80-ус сылларга бултуу сылдьарбытыгар сөмөлүөт корпуһа, мотуордарын сэмнэҕэ син баар этилэр диэбит. Михаил Гоголевка махтанабын. Урукку ааспыт түгэннэри санаппытыгар.
“Саха сирэ” хаһыакка өссө “Сааскы быһылаан” сэһэни аахтым.
Николай Кривошапкин, Дьокуускай.
Хаартыска: интэриниэттэн
+1
+1
+1
+1
+1
+1
+1