Хаһыат сытыы боппуруостары ырытта (аудио)

Ааптар: 
Бөлөххө киир:

«Саха сирэ» хаһыат бүгүҥҥү чэппиэрдээҕи нүөмэригэр интэриэһинэй матырыйааллар таҕыстылар.

 edersaas.ru  

Олег Филатов аатынан Москватааҕы 15 №-дээх балыыһа  аан дойдуга коронавируһу эмтиир саамай улахан балыыһалартан биирдэстэрэ. Манна үлэлиир саха эмчитэ Виктория Васильеваны кытта Родион Кривогорницын кэпсэттэ.

***

Амма өрүс баһыгар ойуур учаастактарын 47 сылга болдьохтоон маһы кэрдиигэ биэрэн эрэллэрин туһунан сурук батсаабынан тарҕаммыта. Бүгүҥҥү хаһыакка суруналыыс Раиса Сибирякова бу сытыы боппуруоһу ырытан суруйда.

***

Сэрии сылларын оҕото, тыыл, үлэ бэтэрээнэ суруналыыс Макар Баишев «Уол оҕону уот да сиэбэт» диэн документальнай сэһэнин бүтэрбэккэ олохтон барбыта. Кини ситэтэ суох сэһэнин Улуу Кыайыы 75 сылыгар анаан суруналыыс Уйбаан Ксенофонтов-Силиги бэчээккэ бэлэмнээтэ.

***

Бу күннэргэ биллиилээх уопсастыбаннай-бэлитиичэскэй диэйэтэл Георгий Артемьев 75-с хаарын уулларан, үбүлүөйүн бэлиэтиир. Улуу Кыайыы сылыгар төрөөбүт биллиилээх киһи  туһунан бэрт сэргэх суруйуу таҕыста.

***

СӨ Дьарыктаах буолуу судаарыстыбаннай кэмитиэтин бэрэссэдээтэлэ Степан Москвитины кытта сыстыганнаах пандемия кэмигэр олус сытыытык турбут боппуруоһу – үлэ булуутун туһунан Ньургуйаана Иванова кэпсэттэ.

***

Үгүс киһи куртах тоҕо ыалдьарын уонна онтон хайдах харыстанары билбэт. Куртах туохтан бааһырарын туһунан суруналыыс Надежда Егорова суруйуутун ааҕыҥ.

***

Быйыл Арктическай институкка бүддьүөт миэстэтин эптилэр. Биир бөлөххө тоҕо 5 эрэ устудьуон үөрэнэрин уонна да атын суолталаах боппуруостар тула үөрэх кыһатын ректорын кытта суруналыыс Людмила Попова кэпсэттэ.

***

Инбэлииттэр уопсастыбалара эргэрбит дьиэтин-уотун бэйэтэ уйунан олорор. Кинилэр кыһалҕаларын суруналыыс Сардаана Баснаева ырытта.

***

«Тимир оһуор» уолаттара билигин сыстыганнаах дьаҥынан сибээстээн, үгүс урбаанньыттар кыһалҕаҕа кыпчыттарбыттарын курдук балаһыанньаҕа киирбэтилэр. Тоҕо? Хоруйун мин бүгүҥҥү суруйуубар билиэххит.

***

Сорох булчуттар “Кыһыл кинигэҕэ” киирбит көтөрдөрү уонна тыһы кустары өлөрөн баран, хаартыскаларын туох да куттала суох булчуттар араас пуорумнарыгар угаллар. Хаастар олохторун туһунан суруйуутугар бу түгэни суруналыыс Женни Стрюкова тоҕо холобурдаата? Ааҕыҥ, сэргээҥ.

***

Саха дьахтарын ураты, кэрэ өрүтүн ойуулуур-дьүһүннүүр ускуустуба ньыматынан көрдөрөр өрөспүүбүлүкэтээҕи Валериан Васильев аатынан бириэмийэ лауреата Семен Луканси туһунан Татьяна Маркова суруйуутун ааҕыҥ.

***

Кэбээйи Лүүчүнүттэн төрүттээх, Мэҥэ Хаҥалас Павловскайын олохтооҕо Петр Дмитриев — саата суох байанайдаах булчут туһунан Егор Карпов суруйда.

«Саха сирэ» хаһыат бүгүҥҥү матырыйаалларыттан кылгастык билиһиннэрдэххэ итинник.

Елена ПОТОЦКАЯ, «Саха сирэ» хаһыат, edeasaas.ru

+1
0
+1
0
+1
0
+1
0
+1
0
+1
0
+1
0