“Хаһан сайын буоларый…”

Ааптар: 
Бөлөххө киир:
Бүгүн, алтынньы 5 күнүгэр, Саха сирин олохтоохторо саҥа сериалы көрөр дьоллонобут. Киинэ аата – “Хаһан сайын буоларый...”

Саха сериалларын таһаарар сулууспа салайааччыта Марфа Пермякова “Эдэр саас” саайтка анаан кэпсээбитинэн, бүгүҥҥүттэн саҕалаан, «Саха» НКИХ киэһээҥҥи сонун кэнниттэн, 38 мүнүүтэлээх саҥа сериалы көрүөхпүт. Бу сериал Сардаана Сивцева сценарийынан уһуллубут. Сериалы устууну олунньу ыйтан саҕалаабыттар уонна бу хамсык кэмигэр тохтуу сылдьан баран, хата, кэмигэр устууну-таҥыыны бүтэрбиттэр.

Дьокуускай куоракка көһөн кэлии аччаабат. Бу кыһалҕатын, үөрүүтүн-хомолтотун, абылаҥын туһунан кэпсиир сериал көрөөччүнү тардыаҕа. Хотуттан көһөн кэлбит, үс оҕолоох (икки кыыс уонна уол) ыал олоҕун туһунан кэпсиир сериал режиссера, эдэр кыыс Радомира Афанасьева. Кини “Иза уонна Лиза” сериалга иккис режиссерунан үлэлээбит. Туруорааччы оператор – Дмитрий Сергучев.

Сериаллар сулууспаларын салайааччы Марфа Пермякова этэринэн, биллэр артыыс Елизавета Потапова, Николай Софронеев, Ньургун Черов, Анастасия Петрова, Мария Дегтярева уо.д.а оонньообуттар. Үгүстэрэ урукку өттүгэр киинэҕэ сыһыана суох дьон эбит. Толкуйдатар ис хоһоонноох саҥа сериалы көрөргө бэлэм олоруҥ!

Сериал туһунан сиһилии “Саха сирэ” хаһыакка суруйуохпут.

Хаартысканы: М.Пермякова тиксэрдэ.

+1
0
+1
0
+1
0
+1
0
+1
0
+1
0
+1
0