Вирусологтар мааската суох хаһааҥҥыттан сылдьыахха сөп буоларын эппиттэр.
Арассыыйаҕа быйыл саас бүтүүтүгэр биирдэ бары мааската суох сылдьар буолуохпутун сөп. Бу туһунан РБК ыйытыытыгар учуонайдар санааларын үллэстибиттэр диэн РИА Сонуннара иһитиннэрбит.
Мэдиссиинэ наукатын кандидата, Европаҕа вакцинация киинин иммунолог-бырааһа Зоя Скорпилева бу боппуруоһу быһаарарга итиннэ сабыдыаллыыр хас да биричиинэни тутуһар наадатын, ол иһигэр кэлэктиибинэн быһыыны ылыы уонна иммунитет туһунан эттэ.
Аллерголог-быраас Владимир Болибок муус устартан мааскалаах сылдьыы эрэсиимэ тохтотуллуо диэбит. Эспиэр организм дьаҥы утарар күүстээх буолуутун көрдөрүүтэ (иммунитет) эрэ мааскалаах сылдьыыны уларытыаҕын бэлиэтээбит.
Бу иннинэ Гамалея аатынан Киин профессора Анатолий Альтштейн маассабай вакцинациялааһын буоллаҕына, сыл бүтүүтүгэр хааччахтааһынтан тахсыахха сөп диэн эппит.
«Мин санаабар, саас, сайын эпидемия биллэ намтыаҕа, ол гынан баран адьас симэлийэн хаалара ыраах», — диэбит вирусолог.
Пандемия саҕаламмытын кэнниттэн, Арассыыйа эрэгийиэннэригэр бэйэни хааччахтанан олоруу эрэсиимин кытары уопсастыбаннай сирдэргэ мааскалаах уонна бэрчээккилээх сылдьыы эрэсиимэ киллэриллибитэ.
+1
+1
+1
+1
+1
+1
+1