Дойду Төрүт Сокуонугар көннөрүүлэри киллэриигэ анаммыт Бүтүн Арассыйатааҕы куоластааһыҥҥа ытык Хаҥалас улууһун дьоно-сэргэтэ көхтөөхтүк кытталлар.
edersaas.ru
Хас нэһилиэк ахсын тэриллибит быыбардыыр учаастактарга хамыыһыйа чилиэннэрэ дьон доруобуйатын харыстыыр сыалтан, санитарнай ирдэбили толору тутуһан үлэлииллэр.
Бастатан туран, куоластыы кэлбит дьону бэрэбиэркэлии-бэрэбиэркэлии аһардаллар итиэннэ бүлүтүөнү толороллоругар биирдэ туттуллар маасканы, бэрчээккини, уруучуканы биэрэллэр.
Оттон аахсыллар биричиинэнэн кыайан кэлбэт дьоҥҥо итиэннэ ыраах баар сайылыктарга, сылгыһыттар баазаларыгар быыбар хамыыһыйатын чилиэннэрэ бэйэлэрэ тиийэн куоластаталлар.
Онон, Хаҥалас улууһун биир ыраах нэһилиэгин олохтоохторо дойду дьылҕатын быһаарар эппиэттээх күннэргэ бэйэлэрин куоластарын иһитиннэрдилэр.
Хаҥалас улууһун Улахан Ааныттан Ульяна Семенова,
«Саха сирэ» хаһыат, edersaas.ru саайтка анаан.
+1
+1
+1
+1
+1
+1
+1