Хаҥалас улууһун II Дьөппөнүгэр (Күөрдэмҥэ) дьээбэни-хообону, күлүүнү-салыыны таптааччыларга анаан улуустааҕы “Сааскы дьээбэрэҥ” 16-с төгүлүн ыытылынна. Бу туһунан А.Е.Кулаковскай-Өксөкүлээх Өлөксөй аатынан норуоттар доҕордоһууларын дьиэтиттэн иһитиннэрдилэр.
Көрү көҕүлүттэн тутааччылар түһүлгэлэригэр “быары тарбыыр” баҕалаах тоҕус кэлэктиип, уопсайа 54 кыттааччы мустубут. Дьүүллүүр сүбэ уопсай көрүү кэнниттэн, хас биирдии нүөмэри сиһилии ырыппыт, сыаналаабыт. Ол кэннэ, сүбэ чилиэттэрэ хас биирдии кэлэктиип бэйэтэ-бэйэтигэр эрэ буспакка-хаппакка сонунтан-сонуну, сэргэхтэн-сэргэҕи, хатыласпат уратыны киллэрэн иһэригэр баҕарбыттар. Быйылгы күрэскэ ураты нүөмэрдээх кэлэктииптэри бэлиэтээбиттэр.
Түмүккэ норуот тыйаатырдарыгар 1 миэстэни – Өктөм, иккиһи — Күөрдэм, үсүһү — Ньөмүгү норуодунай тыйаатырдара ылбыттар.
Самодеятельнай тыйаатырдарга 1 миэстэҕэ – Ньөмүгү “Бэтиэхэлэр” кэлэктиибэ, иккискэ – Уулаах Аан, үһүскэ – Мохсоҕоллоох кэлэктииптэрэ тахсыбыттар.
Биһиги корр., edersaas.ru
+1
+1
+1
+1
+1
+1
+1