Хаҥалас улууһун баһылыга Олег Иринеев уонна Саха сирин сүүмэрдиир хамаандатын бэлэмниир өрөспүүбүлүкэтээҕи успуорт киинин дириэктэрэ Леонид Спиридонов бииргэ үлэлииргэ сөбүлэһиигэ илии баттаатылар.
Улуус баһылыга иһитиннэрбитинэн, сөбүлэһиигэ оройуоҥҥа спортивнай эрэллэри бэлэмнээһиҥҥэ, физкультурнай-спортивнай тэрээһиннэри бииргэ тэрийии уонна кыттыы, успуорт араас көрүҥнэрин сайыннарыыга бырагыраамалары толоруу боппуруостарын быһаары, бу салаа үлэһиттэрин идэлэрин таһымын үрдэтии, өрөспүүбүлүкэ сүүмэрдэммит хамаандаларын састаабыгар спортсменнары киллэрэргэ бэлэмнээһин киирэллэр.
«Улууска успуорт салаатын сайыннарыга ураты болҕомто ууруллар. Биһиги спортсменнарбыт араас күрэхтэһиилэргэ элбэхтэ кайыы-хотуу көтөллөнөллөр. Улуус, өрөспүүбүлүкэ таһыгар тиийэ дойдуларын чиэһин ситиһиилээхтик көмүскүүллэр. Онон өссө үрдүк ситиһиилэргэ дабайан иһэр туһуттан, биһиги улууска эрэ буолбакка, өрөспүүбүлүкэҕэ тиийэ спортсменнарга бары табыгастаах усулуобуйаны тэрийэбит. Мин сөбүлэһии иитинэн улууспут успуорка өссө үрдүк ситиһиилэнэригэр итэҕэйэбин, эрэнэбин«, — диэтэ Олег Иринеев.
Көрсүһүүгэ «Дьокуускайга оҕо-ыччат өрөспүүбүлүкэтээҕи анал спортивнай оскуолатын» дириэктэрэ Максим Куприянов, Хаҥалас улууһун дьаһалтатын социальнай уонна ыччат бэлиитикэтин отделын начаалынньыга Денис Уваров, улуус дьаһалтатын физкултуураҕа уонна успуорка управлениетын начаалынньыга Юрий Никифоров, АГАТУ физическэй иитиигэ кафедра сэбиэдиссэйэ Дмитрий Платонов, Хаҥалас ДЮСШ тириэньэрдэрэ уонна спортсменнара кытннылар. Хаҥалас улууһугар успуорду сайыннарыы сүрүн боппуруостарын дьүүллэстилэр.
+1
+1
+1
+1
+1
+1
+1