Хаҥалас улууһугар бастыҥ үлэлээх урбаанньыттары эҕэрдэлээтилэр.
Улуус баһылыгын координационнай сэбиэтин мунньаҕын иннинэ, Хаҥалас улууһун бастыҥ урбаанньыттарын эҕэрдэлээтилэр. «Орто уонна дьоҕус биисинэс улуус экэниэмикэтин сайдыытыгар улахан оруолу ылаллар. Урбаан сайыннаҕына, саҥа үлэ миэстэтэ тэриллэр», — диэтэ улуус баһылыга Олег Иринеев.
«Хаҥалас улууһун социальнай-экономическай сайдыытыгар үтүөлэрин иһин» анал бэлиэнэн Мохсоҕоллоох бөһүөлэгиттэн уонна Покровскай куоратыттан урбаанньыттар Галина Полякова, Татьяна Зверева наҕараадаланнылар. Орто уонна дьоҕус урбааҥҥа эҥкилэ суох өр сыллаах үлэлэрин, оройуон социальнай-экэнэмиичэскэй сайдыытыгар кылааттарын иһин улуус баһылыгын Бочуотунай грамотатын урбаанньыттар Светлана Курская (Мохсоҕоллоох), Оксана Еремеева, Николай Егоров (Покровскай), Василий Ефремов (Бэстээх с.) туттулар. Улуус баһылыгын Махтал суруктара социальнай бырагыраамаларга көхтөөхтүк кыттар ИП Наталья Кондаковаҕа (Мохсоҕоллоох), Анатолий Прокопьевка (Өктөм), Татьяна Зайцеваҕа (Хачыкаат), Оксана Иванченкоҕа (Покровскай), Екатерина Морозоваҕа (Бэстээх с.) уонна Михаил Борисовка (Нөмүгү) туттарылыннылар.
Тэрээһиҥҥэ оройуон дьокутааттарын сэбиэтин бэрэссэдээтэлэ Анатолий Антонов уонна урбаанньыттар координационнай сэбиэттэрин бэрэссэдээтэлэ Екатерина Васильева кытыннылар.
+1
+1
+1
+1
+1
+1
+1