Хаҥалас улууһа кыстыгы көрсө 33 тыһыынча туонна оту итиэннэ 6 тыһыынча сиилэһи, сенаһы бэлэмниир былааннаах.
edersaas.ru
Билигин бары нэһилиэктэр хаһаайыстыбалара көхтөөхтүк оттуу сылдьаллар. Тыа хаһаайыстыбатын улуустааҕы департаменын чахчытынан, 340 отчут, 80 звено, 162 араас көрүҥ тиэхиньикэ күөх быйаҥ күрэҕэр үлүмнэһэн үлэлииллэр-хамсыыллар. 692,8 туонна оту чөкөттүлэр.
От үүнүүтэ Үөдэйгэ, II Дьөппөҥҥө уонна Улахан Ааҥҥа арыый мөлтөх эрээри, атын нэһилиэктэргэ үчүгэй буолан, хаһаайыстыбалар былааннарын толорорго эрэллээхтэр. Ону таһынан, кураантан тэптэрэн, отторо кырыымчык улуустары хааччыйарга анаан, өрөспүүбүлүкэ саппаас пуондатыгар 500 туонна оту оттуур соруктаахтар. От ыйын 1 күнүнээҕи туругунан, бас билии көрүҥүттэн тутулуга суох улуус үрдүнэн барыта 12 940 ынах сүөһү, ол иһигэр 4 309 ыанар ынах итиэннэ 18 152 сылгы баар. Сыл саҕаланыаҕыттан баалабайынан 3 943 туонна үүт ыаммыт.
Раиса Сибирякова, «Саха сирэ» edersaas.ru