И.М.Яковлев аатынан Покровскай 1 №-дээх оскуолатын былаһааккатын кыттыылаахтарыгар, Судаарыстыбаннай Дума дьокутаата Галина Данчикова эҕэрдэтин тиэртэ, тэрээһин сыалын-соругун бэлиэтээн эттэ. Оройуон Сэбиэтин дьокутаата Борис Протодьяконов: «Хас биирдиибит Аҕа дойду уоттаах сэриитин, Улуу Кыайыы устуоруйатын, дьон-сэргэ дьылҕатын, дьоруойдарбыт тустарынан өйбүтүгэр-санаабытыгар дириҥник иҥэрэр ытык иэстээхпит. Биһиги норуоппут дьоруойдуу быһыытын туһунан кэнчээри ыччакка кэпсиэхтээхпит, тиэрдиэхтээхпит», — диэтэ.
«Биир ньыгыл Арассыыйа» партия тэрийэр «Кыайыы диктана» аахсыйаҕа 80 дойду кыттар. Ону сэргэ, онлайн-форматынан диктантпобеды.рф саайтыгар киирэн кыттыахха сөп. Аҕа дойду уоттаах сэриитигэр сыһыаннаах 25 ыйытыыга хоруйдууллар.
«Кыайыы диктанын» түмүгэ бэс ыйын 24 күнүгэр биллэр. Олоҕурбут (очнай) көрүҥүнэн бары ыйытыыларга сөптөөх хоруйу биэрбит кыайыылаахтар тустарынан иһитиннэрии, диктантпобеды.рф саайтка тахсар. Федеральнай таһымҥа кыайыылаахтар эһиил Кыһыл болуоссакка Кыайыы параадыгар бочуоттаах ыалдьыт быһыытынан ыҥырыллыахтара. Оттон онлайн-форматынан тест 25 ыйытыытыгар сөптөөх хоруйу биэрбит оскуола выпускниктара үрдүк үөрэх кыһатыгар туттарсарга эбии баал ылаллар.