Хаҥаласка икки балыыһа тутуллан киириэҕэ

Бөлөххө киир:

Хаҥалас улууһун Улахан Ааныгар бу сайыҥҥыттан балыыһа саҥа дьиэтэ тутуллан, быйыл кыһын үлэҕэ киириэхтээх. Ону сэргэ Покровскайга суһал көмө саҥа дьиэтэ тутулла сылдьар.

Хаҥалас улууһун киин балыыһатын пресс-сулууспата иһитиннэрбитинэн, балыыһа лизинг нөҥүө быйыл Улахан Аан амбулаториятын уонна Покровскай куоракка суһал көмө саҥа дьиэлэрин тутан киллэрэр былааннаах. Бу икки эбийиэктэр уопсай суумалара 22 мөлүйүөн солкуобайга тэҥнэһэр.

Тутууга нэһилиэнньэ эмиэ көхтөөхтүк кыттар. Холобур, Улахан Ааҥҥа нэһилиэнньэ эр дьоно мустан балыыһа турар сирин оҥорбуттар. Ону таһынан тутууга көмөлөһөллөр. “Бэдэрээтчитинэн “Стройкомплект” тэрилтэ ылсан үлэлии сылдьар. Тутуу матырыйаала барыта кэмигэр кэлэ турар”, – диэн бэлиэтиир нэһилиэк баһылыгын солбуйааччы Ирина Кириллина.

Балыыһа бэдэрээтчиттэри кытары үс сыллаах дуогабар түһэрсибитэ. Төлөбүрүн былаан быһыытынан үс сыл устата төлүөҕэ.

Аграфена КУЗЬМИНА

+1
0
+1
0
+1
0
+1
0
+1
0
+1
0
+1
0