Маны аах Уопсастыба

Хаҥалас волонтердара биир нэдиэлэҕэ 120 сайаапканы толордулар

Эпидемиологическай балаһыанньа уустугурбут кэмигэр, волонтердар сынньанары билбэккэ дьоҥҥо-сэргэҕэ көмөлөһөн сүүрэллэр-көтөллөр.
Хаҥалас улууһун дьаһалтатын ыччат бэлиитикэтигэр сүрүн исписэлииһэ, волонтердары түмэр, салайар Василий Васильев улуустарыгар сүрэхтэрин баҕатынан кыһалҕалаах дьоҥҥо, кырдьаҕастарга көмөлөһөргө 100-тэн тахса киһи үлэлэһэрин этэр.
Күҥҥэ ортотунан 10-12 сайаапка киирэр. Арыт кыра буолар. Холобур, ааспыт нэдиэлэҕэ 120 сайаапканы толорулунна. Коронавирус дьаҥа элбээбит кэмигэр, дьон ордук эми-тому үлэһэн ыллаттарар. Бу иннинэ, эмиэ дьаҥ элбии сылдьыбыт кэмигэр, ордук 65 үөһээ саастаахтар үксүн ас-үөл, дьиэҕэ-уокка туттар наадалаах мал-сал, бытовой химия үлэһэллэрэ. Волонтердар сайаапкалаахтары кытары хантаага суох үлэлэһэллэр. Сайаапкалаахха сибээскэ тахсаллар, наадалаах малын-салын, эмин-томун ылаллар уонна бу киһиэхэ дьиэтигэр тиэрдэллэр. Онтон үлэҕин ылбыт киһи чеги көрөн баран, волонтердарга харчытын ыытар«, — диэн кэпсиир Василий Александрович.
Волонтердары барыларын дьаҥтан харыстанар наадалаах сириэстибэнэн хааччыйаллар. Бүтүн Арассыыйатааҕы «Мы Вместе»хамсааһыҥҥа волонтердуон баҕалаахтары билигин күүтэллэр. Манна эбэн Василий Васильев эбии күүс күүтэллэрин уонна маннык үлэҕэ тырааныспар наадатын этэр. Кыһалҕалаах дьоҥҥо, кырдьаҕастарга көмөлөһүөн баҕалаах үтүө санаалаах дьону үөрэ-көтө көрсөбүт диир.  Хаҥалас улууһун волонтердарын ыстаабыгар үлэлэһиэн баҕалаахтары @novostihangalas нэһилиэктэрин ыйан туран суруйалларыгар көрдөһөр.
Хаҥалас улууһун дьаһалтатын пресс-сулууспата.
Хаартыскаҕа Өктөм нэһилиэгин волонтердара
0
0
Telegram @edersaas20