Хаҥалас улууһун урбаанньыттара суһал ыстаапка көмө оҥордулар

Хаҥалас улууһун урбаанньыттара коронавирус тарҕаныытын хонтуруоллуур улуустааҕы  суһал ыстаапка көмө оҥордулар. Бу туһунан улуус дьаһалтатын пресс-киинэ иһитиннэрэр.

Вячеслав Нестеров салайааччылаах Нөмүгүтээҕи килиэп оҥорор собуот улуус балыыһаларыгар  бородууксуйатын тарҕатар буолла. Дьиэҕэ хааччахтанан олоруу эрэсиимин устата Нөмүгү килиэбэ, кондитерскай оҥоһуктара улуус бары балыыһаларыгар тиксэриллиэхтэрэ.

Мохсоҕоллоохтооҕу “Хаҥалас-Ас” ТХПК  (дириэктэр Валентин Иванов) “Бары бииргэ” аахсыйаҕа кыттан, улуус 18 нэһилиэгин  65-тэн үөһээ саастаах соҕотох олорор дьонугар барыта  512  үрүҥ  ас наборун туттарда.

Хаҥалас урбаанньыттара улуус киин балыыһатын кэнсэлээрийэ  табаарынан, утуйар таҥаһынан, суорҕанынан, иһитинэн хааччыйдылар.

Ньургуйаана Иванова, “Саха сирэ”  хаһыат, edersaas.ru

Хаартыска интэриниэттэн