Тохсунньу 22 күнүттэн саҕалаан Хаҥалас улууһун олохтоохторо коронавирус утары быһыыны ыларга сайаапка биэрэн эрэллэр.
Улуус баһылыга Олег Иринеев уонна улуус дьаһалтатын исписэлиистэрэ бүгүн, тохсунньу 25 күнүгэр, «Гам-КОВИД-Вак» вакцинаны ыллылар.
«Мин санаабар, хайаан даҕаны быһыыны ылыллыахтаах. Бары туруннахпытына эрэ, бу дьаҥы тохтотор кыахтаахпыт. Хомойуох иһин, үгүс өттүгэр кырдьаҕас дьон бу ыарыыны ыарыылаахтык аһарыналлар. Онон бэйэбитин уонна чугас дьоммутун харыстыахпытын наада», — диэн Иринеев бэлиэтээн эттэ.
Аны 21 хонугунан быһыы иккис түһүмэҕин ылаллар. Улуус баһылыга вакцинаны баҕа өттүнэн ыларга быһаарыммытын эттэ.
Санатан эттэххэ, Хаҥалас улууһугар билиҥҥи туругунан быһыыны биэрэр 15 пуун үлэлиир. Олохтоохтор вакцинаны ылыахтарын баҕардахтарына колл-кииҥҥэ эрийэн суруттараллар.
edersaas.ru
+1
+1
+1
+1
+1
+1
+1