Хаҥалас улууһугар булчуттар Кыһыл кинигэҕэ киирбит көтөрдөрү бултаабыттар

Сааскы кус саҕаланан, үгүс эр дьон бултуу сылдьар. Бу күннэргэ СӨ Айылҕа харыстабылын министиэристибэтин уонна СӨ Росгвардиятын управлениетын исписэлиистэрэ бөртөлүөтүнэн Өлүөхүмэ уонна Хаҥалас улуустарыгар рейдэ оҥорон, булт быраабылатын  кэһии төһө тахсарын бэрэбиэркэлээтилэр.

Александр ТАРАСОВ, «Саха сирэ» хаһыат, https://edersaas.ru
Ол сылдьан, Хаҥалас улууһугар Өлүөнэ өрүс арыытыгар бултуу сылдьар кусчуттар 11 хоҥор хааһы (Саха сирин Кыһыл кинигэтигэр киирбит буолуон сөп), 11 тыһы куһу уонна биир мородуну бултаабыттарын туппуттар. Хоҥор хаас туундара уонна ойуур (таежнай) диэннэргэ арахсар. Ойуур хааһа Саха сирин Кыһыл кинигэтигэр баар. Тыһы кус бултаныллыа суохтаах. Оттон мороду Россия Кыһыл кинигэтигэр баар. Биир мороду хоромньутун төлөбүрэ 25 тыһ. солк. Уопсай хоромньу 69 тыһ. солк. тэҥнэһэр. Маннык анал рейдэлэр өссө салгыы ыытыллыахтара.
Дьулустаан Дьяконов, СӨ булт управлениетын салайааччытын солбуйааччы:
–Криолитозона биологическай проблемаларын институтугар хаастары бэрэбиэркэҕэ ыыппыппыт. Ханнык көрүҥҥэ киирэллэрин сарсын, өйүүн быһаарыахтара. Ойуур киэнэ буоллахтарына, биир хаас хоромньутун төлөбүрэ 2 тыһ. 500 солк. edersaas.ru