Маны аах Уопсастыба

Хаҥалас оскуолаларыгар саҥа оптуобустар кэлиэхтэрэ

Хаҥалас улууһун биэс оскуолатыгар саҥа оптуобустар кэлэллэрин туһунан улуус үөрэҕин управлениетын салайааччыта Елизавета Мартынова иһитиннэрдэ.

«Оптуобустар биһиги үөрэхпит тэрилтэлэрин балансатыгар бэрилиннилэр, сүрүн соругунан үөрэх хаачыстыбатын тупсарыыга уонна оскуолалар материальнай базаларын хаҥатыыга туһуланна», — диэн бэлиэтээтэ. Ол курдук ПАЗ оптуобуһу Мохсоҕоллоох орто оскуолата, оттон Газель массыыналарга Малдьаҕар, Өктөм, Булгунньахтаах уонна Бэстээх орто оскуолалара тигистилэр. Бэлиэтээн эттэххэ, сыл саҕаланыыта түөрт массыынаны түөрт оскуолаҕа түҥэппиттэрэ. Уон сыл сулууспалаабыт оскуола эргэ тиэхиньикэтин саҥардыыга уонна оскуола оҕолорун таһыыга маннык көмө олус туһалаах.

Ульяна ЗАХАРОВА, edersaas.ru

0
0
Telegram Whatsapp