Өрөспүүбүлүкэ Ил Дархана Айсен Николаев “Быһаччы кэпсэтии” аһаҕас биэриигэ хаалбыт кэмҥэ күнү-дьылы баттаһа оттооһуну тэтимирдэргэ сорук туруорбута.
Балаҕан ыйын 12 күнүнээҕи туругунан өрөспүүбүлүкэ ходуһаларыгар 320429 гектар сир охсулунна, отчуттар 353 072 туонна оту кэбистилэр (бу тиэрдиллибит былаан 80 %). Күн-дьыл уустук усулуобуйатын түмүгэр халааҥҥа ылларбыт Дьааҥы улууһа 8200 т оту бэлэмниир былааныттан 3496 т чөкөттө (43 %). Эмиэ сүөһүтүн-сылгытын кыстыыр отун бэлэмнээһиҥҥэ ыарахан балаһыанньалаах Кэбээйи улууһа 5379 т оту чөкөппүт (38 быр.).
Хаҥалас, Нам, Амма улуустарын отчуттара былааннарын толорууга туруммуттар, көрдөрүү куһаҕана суох. Хоту улуустартан Үөһээ Халыма (103 %) Булуҥ (102%), Абый (101 %) толорон олороллор.
Балаҕан ыйын 12 күнүнээҕи туругунан өрөспүүбүлүкэ үрдүнэн 231 мобильнай биригээдэ ыраах сирдэринэн тэлэһийэн оттуур. Туруу отчуттар 25983 т оту кэбистилэр. Ити иһигэр Чурапчы улууһа – 7406 т, Амма улууһа – 4466 т.
Ону тэҥэ өрөспүүбүлүкэ хаһаайыстыбалара 21323 туонна сиилэһи уктулар, 6431 туонна сенаһы бэлэмнээтилэр.
Бэлэмнээтэ Женни Стрюкова
Хаартыска: Мэҥэ Хаҥалас ходуһатыгар (В.Бурнашев ыытта)