Хаҥалас улууһун «Бэдэр» аҕалар түмсүүлэрин Кузьма Острелин салайбыта уонтан тахса сыл буолла.
Бу олус уопуттаах уопсастыбанньык, энтузиаст, киһи эркин курдук эрэнэр киһитэ «уопсастыбаннай үлэ» диэн баран муннукка ытаабыт, холобурга сылдьар аҕа. Кини Чурапчы улууһугар ыытыллар «Байанай» уонна «Аҕа күрэҕэр» нэһилиэгин аҕаларын түмэ тардан, анаан кытыннара илдьэ кэлбит.
— «Байанайга» Аармыйаттан саҥа кэлбит уолаттары маннык улахан күрэхтэһиилэргэ кытта үөрэнниннэр, уопутурдуннар диэн кытыннара аҕаллым. Онон сорукпут миэстэлэһии буолбакка, көннөрү кыттыы, уопут атастаһыы, — диэн санаатын тиэртэ Кузьма Острелин.
Өскө «Байанайга» хаҥаластар көннөрү уопут атастаһар эрэ буоллахтарына, Сылаҥҥа ыытыллар «Аҕа күрэҕэр» кытта үөрүйэх Алексей уонна Григорий Осиповтар кыайыылаах миэстэҕэ суоттаналлар. «Эбисийээнэ курдук ыттар эбит дии!» остуолбаҕа ыттан хайҕаммыт уолаттартан биирдэстэрэ — Нөмүгү ыччата Гриша Осипов.
Кузьма Острелинтан кэккэ интэриэһиргиир ыйытыыларбар бэртээхэй хоруйу ылан, астынным. Аҕа күнүнэн, күндү Кузьма Кузьмич! Хаҥалас Нөмүгүтүн аҕаларын эрэллээх эркиннэригэр санаабытыҥ барыта туоллун диэн алгыыбыт!
Елена ПОТОЦКАЯ, Чурапчы, Сылаҥ.