«Хаҥалас хапсаҕайа» олунньу саҥатыгар Покровскайга ыытыллыаҕа

Бөлөххө киир:

Олунньу 6-7 күннэригэр Хаҥалас Покровскайыгар үгэскэ кубулуйбут «Хаҥалас Хапсаҕайа» ыытыллыахтаах. Турнирга өрөспүүбүлүкэ улуустарыттан 200-тэн тахса хапсаҕайдьыт кыттара күүтүллэр.

СИА суруйарынан «Хаҥалас Хапсаҕайа» быйыл 24-с төгүлүн ыытыллар. «Дьаҥынан сибээстээн быйылгы күрэх көрөөччүтэ суох ыытыллыа. Кыттааччылар, тренердар, судьуйалар, тэрийэр хамыыһыйа коронавируска булгуччулаах анаалыс туттарыахтара», — диэн Хаҥалас улууһун баһылыга Олег Иринеев иһитиннэрбит.

Күрэхтэһии «Мамонт» ханаалга көстөр. Кыайыылаахтары быһаарар киирсиилэр «Саха» НКИХ ханаалыгар көстүөхтэрэ. Маны таһынан YouTube-ка күрэхтэһиини көрүөххэ сөп.

edersaas.ru