Хаһаайыстыбалар сүөһүнү, тиэхиньикэни хааччыйыахтара

Ааптар: 
Бөлөххө киир:

Горнай улууһун Бэс Күөлүгэр баһаарга 26 хаһаайыстыба эмсэҕэлээбитэ.

Бигэргэммит чахчынан, уокка тоҕус ынах сүөһү, аҕыс сибиинньэ, 20 куурусса, 120 кролик, 10 хотон, ол иһигэр Алексей Петров салайар бааһынай хаһаайыстыбатын 100 ынахха анаммыт комплекса, аҕыс тиэхиньикэ (уу баһар массыына, икки «МТЗ-82», биир «Т-Т40», түөрт дьоҕус тыраахтар), түөрт холбонор тэрил (бырысыап, ротор охсор, кыраабыл, ынах ыыр аппараат), ону таһынан, 9,5 км усталаах бүтэй, 213 туонна от былдьаммыттара.

Министиэристибэ быһаарыытынан, бу хаһаайыстыбаларга сүөһүнү «Туймаада экопиэрмэ» ХЭУо «Хорообут» ХЭТ, «Тумул» кэпэрэтиип, сибиинньэни «Хатастааҕы сибиинньэ комплекса» ХЭУо уонна «Сибиир» бааһынай хаһаайыстыбата, кууруссаны «Дьокуускайдааҕы көтөрү иитэр фабрика», кроликтары Дьокуускай к. бааһынай хаһаайыстыбалара биэриэхтэрэ. Оттон тыа хаһаайыстыбатын тиэхиньикэтин көмө бэрээдэгинэн Федотов Р.Е. Бирдэм тэрилтэтэ, «Сахаспецтехника» уонна «Сельхозтехника Якутии» хампааньалар хааччыйыахтара. Бу туһунан тыа хаһаайыстыбатын миниистирэ Александр Атласов ааспыт өрөбүлгэ кыстык тэрээһинин боппуруоһунан Бэс Күөлүгэр сылдьан иһитиннэрдэ.

Раиса Сибирякова.

+1
0
+1
0
+1
0
+1
0
+1
0
+1
0
+1
0