Гуманитарнай көмө Луганскайга тиийдэ (ВИДЕО)

Ааптар: 
Бөлөххө киир:

Саха сириттэн ыытыллыбыт гуманитарнай таһаҕаһы Луганскай норуодунай өрөспүүбүлүкэ олохтоохторугар түҥэтэллэр.

Саха сириттэн сэттэ туоннаттан тахса гуманитарнай көмө бүгүн түүн Луганскай норуодунай өрөспүүбүлүкэҕэ тиэрдилиннэ.

Саха сирин Ил Дарханын Айсен Николаев сорудаҕынан  өрөспүүбүлүкэ бырабыыталыстыбатын саппаас пуондатын үбүнэн ЛНР олохтоохторугар наадалаах табаары атыыласпыттара: ас-үөл , мохоруон оҥоһуктар, тушенка, куруппа, чэй, саахар, туус, үүнээйи арыыта, оҕо аһылыга, бастакы уочарат туттуллар наадалаах тэриллэр, гигиена тэриллэрэ.

Санатан эттэххэ, кулун тутар 28 күнүгэр, гуманитарнай көмөнү хомуйан, ЛНР уона ДНР сирдэригэр-уоттарыгар тиэрдэр “Русская Гуманитарная миссия” кэмиэрчэскэйэ суох тэрилтэни кытта дуогабар түһэрсиллибитэ.  Москваҕа олорор волонтердар, устудьуоннар, Саха сирин олохтоохторо уонна РФ Бэрэсидьиэнин иһинэн СӨ бастайааннай бэрэстэбиитэлистибэтин үлэһиттэрэ таһаҕаһы хомуйан, Доннааҕы Ростов нөҥүө Луганскайга ыыппыттара.

РФ Бэрэсидьиэнин иһинэн Саха Өрөспүүбүлүкэтин бастайааннай бэрэстэбиитэлин солбуйааччы Александр Сафронов бу миссия чилиэннэрэ хайы-үйэ гуманитарнай нобуордары Саха сирин олохтоохторун ааттарыттан Луганскай олохтоохторугар түҥэтэ сылдьалларын эттэ. “Гуманитарнай көмө сороҕун Луганскайтан 110 км тэйиччи сытар Рубежнайга илдьиэхтэрэ”, — диэтэ кини.

Александр Сафронов “Русская Гуамнитарнач Миссия” тэрилтэҕэ Саха Өрөспүүбүлүкэтин аатыттан хомуллубут таһаҕаһы тиэрдибиттэрин иһин махтанна.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

“Русская Гуманитарная Миссия” НКО хаартыската

Бэлэмнээтэ Женни Стрюкова

+1
0
+1
0
+1
0
+1
0
+1
0
+1
0
+1
0