Саха сириттэн Евгений Григорьев «Арассыыйа лидердэрэ» куонкуруска кыайда

Саха сириттэн сылдьар Евгений Григорьев «Арассыыйа лидердэрэ» диэн куонкурус кыайыылааҕынан буолла. Куонкурус финала бу күннэргэ Сочига буолла диэн СИА иһитиннэрэр.

«Арассыыйа лидердэрэ» куонкурус иккис түһүмэҕэ «Сириус» диэн Сочитааҕы наука уонна искусство пааркатыгар түмүктэннэ. Күрэхтэһээччилэр бырайыак партнердара  — сүүрбэ хампаанньа бэлэмнээбит сорудахтарын толордулар.

Арассыыйа 21 эрэгийиэниттэн 300 киһи финалга тахсыбыта. Бу дьон бары үөрэнэллэригэр 1-дии мөл. солк. суумалаах грант сүүйдүлэр. Уһук Илинтэн финалга 31 киһи киирбитэ. Оттон кыайыылаахтар — 104 киһи биир сыл иһигэр бизнес араас эйгэтин бэрэстэбиитэллэрин уонна судаарыстыбаннай салайааччылары кытта бииргэ үлэлиир кыахтаннылар.

СИА.