Дойду бэрэсидьиэнэ Төрүт Сокуоҥҥа көннөрүүлэри киллэрэргэ Бүтүн Арассыыйатааҕы куоластааһыны от ыйын 1 күнүгэр ыытыы туһунан эттэ.
Төрүт Сокуоҥҥа көннөрүүлэри киллэрии туһунан М.К.Аммосов аатынан Хотугулуу-Илиҥҥи федеральнай университет историческай факультетын историяҕа, обществознаниеҕа уонна политологияҕа хаапыдыратын сэбиэдиссэйэ Ольга Парфенова санаатын билиһиннэрэбит:
— Арассыыйа Федерациятын Төрүт сокуонугар уларыйыылар киирэллэрэ судаарыстыба быраап өттүнэн көрүүлэрэ уонна ону тэҥэ гражданскай уопсастыба бөҕөргүүллэригэр тиэрдэр. Судаарыстыба, ону тэҥэ гражданскай уопсастыба сайдыбыт буоллаҕына, үчүгэй өттүгэр уларыйыыларга тиэрдиэхтээх. Бу икки хайысхалар биһиги олохпутугар сайдалларын туһугар дьулуһуохтаахпыт.
Төрүт сокуоҥҥа нэһилиэнньэҕэ анаан социальнай гарантиялар сиһилии суруллуохтара. Арай, нуучча тылын “государствообразующай” норуот тыла статуһунан өлүүлээһин ыйытыыны үөскэтэр. Бүгүҥҥү күҥҥэ нуучча тыла судаарыстыба үгүс олохтоохторугар иккис төрүт тылынан буолар. Тыл уопсай, оттон судаарыстыба төрүттэниитигэр норуоттар бары кыттыбыттара.
Төрүт сокуоҥҥа уларыйыылар киирэллэрэ судаарыстыба уонна уопсастыба сайдыытыгар үтүө көрдөрүүлэри аҕалыаҕа диэн эрэнэбин.