Балаҕан ыйын 24 күнүгэр Дьокуускайга Сэбиэскэй Сойуус Дьоруойа Николай Степанов мэтириэтэ уруһуйданыахтаах эркини арыйыы үөрүүлээх сиэрэ-туома ыытыллыаҕа. Үөрүүлээх тэрээһин «Граффити Победы» Бүтүн Арассыыйатааҕы патриотическай бырайыак уонна Юнармия өрөспүүбүлүкэтээҕи слет иитинэн ыытыллар.
«Үүнэр көлүөнэ тыйаатырын» эркинигэр Сэбиэскэй Сойуус Дьоруойа, Бүлүү улууһуттан төрүттээх Степанов Николай Саввич мэтириэтэ уруһуйданыаҕа. Бу сылга Дьоруой төрөөбүтэ 100 сыла бэлиэтэнэр. Дьоруой таһыгар юнармеец уруһуйа баар буолуоҕа.
Аахсыйа «Дорога памяти» диэн киэҥ далааһыннаах бырайыакка ананар. Туһааннаах бырайыагы РФ Оборонаҕа министиэристибэтэ көҕүлүүр.
Санатан эттэххэ, Дьокуускайга балаҕан ыйын 23-24 с күннэригэр Юнармия слета ыытыллар.
edersaas.ru