Үлэ Дьоруойа Михаил Готовцев оҕолорго смартфон бэлэхтээтэ
08.04.2020
Үлэ Дьоруойа Михаил Готовцев Уус Алдан улууһун Танда оскуолатын биэс үөрэнээччитигэр смартфон бэлэхтээхтэ. Бу туһунан Уус Алдан дьаһалтатын пресс-сулууспата иһитиннэрэр.
Смартфоннары элбэх оҕолоох ыал оҕолоругар үөрдэ-көтүтэ туттардылар. Оҕолор дьоруойтан бэлэхтэппит саҥа смартфоннарын дьиэттэн олорон үөрэнэллэригэр туттуохтара.
Оскуола дириэктэрэ Надежда Егорова этэринэн, саҥа смартфон көмөтүнэн оҕолор өссө умсугуйан туран үөрэниэхтэрэ, үөрэх хаамыыта чэпчиэҕэ.
Муус устар 6 күнүттэн өрөспүүбүлүкэҕэ коронавирус дьаҥа турбутунан, оскуола үөрэнээччилэригэр ыраахтан олорон үөрэх саҕаламмыта.
edersaas.ru
+1
+1
+1
+1
+1
+1
+1