«Госуслуги» портал нөҥүө орто анал үөрэххэ докумуоннары туттарыахха сөп.
Докумуоннары 2022 сыл атырдьах ыйын 15 күнүгэр диэри туттарыахха сөп. Өскөтүн туттарсарга миэстэ хаалар түгэнигэр докумуону тутуу 2022 сыл сэтинньи 25 күнүгэр диэри уһатыллыаҕа.
Өрөспүүбүлүкэ үрдүнэн 42 идэҕэ үөрэтэр үөрэх кыһалара үлэлии тураллар, кинилэр бары абитуриеннары күүтэллэр!
2022-2023 үөрэх сылыгар Өрөспүүбүлүкэ кэллиэстэригэр уонна тиэхиньикумнарыгар 6098 бүддьүөт миэстэтигэр араас идэлэргэ үөрэх миэстэтэ көрүллэр: 3000-тан тахса миэстэ “Инженернэй дьыала, технологиялар уонна техническай наукалар”, 900-тэн тахса миэстэ “Доруобуйа харыстабыла уонна эмтиир наука”, 300-тэн тахса миэстэ “Тыа хаһаайыстыбата уонна тыа хаһаайыстыбатын науката”, 500-тэн тахса миэстэ “Уопсатыбаны үөрэтэр наукалар”, 400-тэн тахса миэстэ “Үөрэҕирии уонна педагогика науката”, 50-тан тахса миэстэ “Гуманитарнай наукалар”, 200-тэн тахса миэстэ «Искусство и култуура» хайысхаларыгар туттарсааччылары күүтэллэр.
Судаарыстыбаннай өҥө порталын нөҥүө докумуону хайдах туттарыахха сөбүй?
- Порталга бэйэҥ тус кабинеккар киирэҕин;
- Сүрүн сирэйгэ көрдүүр строкаҕа “поступление в среднее специальное учебное заведение” диэн этиини киллэрэҕин;
- Ол кэнниттэн тахсар быһаарыылары батыһан электроннай сайабылыанньаны толороҕун;
- Талбыт үөрэххит кыһатыгар аттестаккын илдьэҕин;
- Докумуону ситиһиилээхтик туттарбытыҥ туһунан биллэриини күүтэҕин.
Бүгүҥҥү күн туругунан 24 086 эдэр ыччат орто үөрэххэ туттарсан идэ ылар туһунан быһаарыныыны ылыммыт.
Профессиональнай үөрэхтээһин сайдыытын института, идэни таларга көмөлөһөргө аналлаах ыйынньык (справочник) кинигэ таһаарбыта.
Ыйынньыгы СӨ Үөрэҕирии уонна наука министиэристибэтин, профессиональнай үөрэхтээһини сайыннарыы институтун, идэҕэ урутаан бэлэмниир киин саайтарыттан ылан туһаныахха сөп.
Хаартыска ferumnews.ru ылылынна