«Госуслугалар» саайтарыгар COVID-19 утары быһыыны ылбыт туһунан суруллуоҕа

Тохсунньуттан Арассыыйаҕа коронавирус дьаҥын утары быһыыны ылбыты туоһулуур паспорт «госуслугалар» саайтарыгар баар буолуоҕа. Бу туһунан ТАСС иһитиннэрэр.

«Биһиги былаанныырбытынан, тохсунньуттан «госуслугалар» саайтарыгар тус кабинекка киирдэххэ, вакцинаны ылбыт туһунан паспорт баар буолуоҕа», — диэн РФ Доруобуйа харыстабылыгар миниистирэ Михаил Мурашко коронавирус дьаҥын бохсуу координационнай сэбиэтин мунньаҕар иһитиннэрдэ.

Кини этэринэн, ааспыт үс нэдиэлэ иһигэр дойду эрэгийиэннэрэ мөлүйүөн аҥаарыттан элбэх доза вакцинаны туппуттар. Итиэннэ Мурашко вакцинаны тиэрдии кыраапыгынан буоларын уонна вакцинаны ылбыт дьон дааннайдарын киллэрэр анал ресурс үлэлиирин санатан эттэ.

edersaas.ru

Хаартыска — РИА.