Саха сирин олохтоохторо дистанционнай түөкүттэр угаайыларыгар киириилэрэ күннэтэ тахса турар. Ол курдук, Дьокуускай куорат икки олохтооҕо түөкүттэр хабаларыгар киирэн, 141 тыһыынча солкуобайдарын уордардылар.
Ис дьыала министиэристибэтин пресс-сулууспата иһитиннэрбитинэн, мэдиссиинискэй сиэстэрэ дьахтар уоппускатыгар Сочига бараары отель сакаастаары гыммыт. Дьахтар гостиница саайтыгар киирэн баан каартатын дааннайдарын суруйбут. Суруйаатын кытта тута 71 тыһ. солк. устан ылбыттар. Түмүгэр биллибитэ, дьахтар түөкүттэр оҥорбут сымыйа саайтарыгар түбэспит эбит.
Иккис түбэлтэ. Биир киэһэ бибилэтиэкэр дьахтарга баан үлэһитэбит диэн биир киһи эрийбит уонна «тус кэбиниэтигэр» киирэн хайа эрэ дьон харчыгын уста сатаатылар диэбит. Онон харчытын уордарбат туһуттан бакаа уурунуутун атын счекка көһөрөрүгэр сүбэлээбиттэр. Дьахтар тута итэҕэйэн, 70 тыһыынчатын тута атын счекка көһөрбүт. Онто баара, түөкүттэр хабаларыгар киирбит…
Онон:
— Билбэт дьоҥҥутугар эрэнимэҥ;
— Каарта эһиги кумааһынньыккыт кэриэтэ — кичэйэн харыстааҥ;
— Билбэт төлөпүөҥҥүтүттэн киирэр кэпсэтиилэргэ, СМС-тарга итэҕэйимэҥ, эппиэттээмэҥ;
— Мунаарар түгэҥҥитигэр каартаҕыт кэннигэр суруллубут төлөпүөҥҥэ эрийэн сүбэлэтиҥ;
— Пааспаргыт, СНИЛС нүөмэрин, каартаҕыт нүөмэрин, CVC/CVV кодун ыйыттылар эрэ, кэпсэтиини тохтотуҥ уонна бааҥҥа эбэтэр полицияҕа тыллааҥ.
edersaas.ru