Бэрээдэк Уопсастыба

Гостиницаҕа ытыалааһыннаах охсуһуу буолбут



Дьокуускай куоракка бөлүүн биир гостиницаҕа ытыалааһыннаах охсуһуу тахсыбыт. Ол туһунан сигнал Росгвардия управлениетыгар киирбит.

edersaas.ru


РФ Росгвардиятын федеральнай сулууспатын Саха сиринээҕи управлениетын пресс-сулууспата иһитиннэрбитинэн, Росгвардия харабыллыыр гостиницаларыттан биирдэстэриттэн «тревога» сигнал киирбит. Ол аадырыска суһаллык росгвардеецтар нэрээттэрэ тиийбит.

Гостиница администратора быһаарбытынан, баарга уолаттар охсуспуттар, ол кэмҥэ биирдэстэрэ бэстилиэтинэн муостаны тэһэ ыппыт. Онтон баар сабыллыбытын кэнниттэн аны бары бэһис этээскэ тахсаннар, салгыы онно охсуспуттар, эмиэ биирдэ ыппыттар. Администратор онно, дьэ, росгвардеецтары ыҥырбыт.

Охсуһааччылары тутуу кэмигэр бэһис этээс көрүдүөрүгэр «Grandpower т12-fn1» травматическай бэстилиэти булан былдьаабыттар. Тутуллубут уолаттары полиция отделыгар илдьибиттэр.

Биһиги корр., «Саха сирэ» хаһыат, edersaas.ru

Хаартыска: РФ Росгвардиятын федеральнай сулууспатын Саха сиринээҕи управлениетын пресс-сулууспата

2
6

Санааҕын суруй