Бүгүн, атырдьах ыйын 29 күнүгэр, биллиилээх бэлиитик, спортивнай диэйэтэл, Госдуума экологияҕа, тулалыыр эйгэни харыстааһыҥҥа кэмитиэтин бэрэссэдээтэлин солбуйааччы Николай Валуев Дьокуускайга кэллэ.
Кинини кытары «Молодёжка ОНФ» хамсааһын волонтердара кэлэн, Бэс Күөлүгэр баһаартан эмсэҕэлээбиттэргэ көмөлөһүөхтэрэ.
«Саха сиригэр бүгүн Арассыыйа араас эрэгийиэннэриттэн 75 доброволец кэллилэр. Волонтердар ойуур баһаарыгар эмсэҕэлээбит Бэс Күөлүгэр көмөлөһүөхтэрэ. Хомойуох иһин, ойуур баһаардарыттан дьон-сэргэ эмсэҕэлээтэ. Федеральнай уонна эрэгийиэннээҕи таһымҥа көмө оҥоһулунна. Биһиги өрөспүүбүлүкэ, экология министиэристибэтин салалтатын кытары көрсүөхпүт», — диэн Николай Валуев кэпсээтэ.
Доброволецтар бүгүн тута Бэс Күөлүгэр айанныахтара.
СӨ Ил Дарханын уонна бырабыыталыстыбатын пресс-сулууспата
+1
+1
+1
+1
+1
+1
+1