Бэлиитикэ Уопсастыба

Госдуумаҕа Галина Данчикова үлэтин бэлиэтээтилэр



РФ бырабыыталыстыбатын бэрэссэдээтэлэ Михаил Мишустин Госдуумаҕа мунньахтаата. Манна бырабыыталыстыба 2020 сылга үлэтин туһунан отчуоттаата.

Мунньах кэмигэр Госдуума бүддьүөккэ, нолуокка кэмитиэтин бэрэссэдээтэлэ Андрей Макаров дойду үрдүнэн доруобуйа харыстабылын 17 эбийиэктэрин тутууга 2021 сылга үбүлээһини сөргүтүү туһунан эттэ. Кини Саха сириттэн дьокутаат Галина Данчикова үлэтин холобур оҥостон, хайгыырын биллэрдэ.

Галина Иннокентьевна Дьокуускайга онкологическай диспансер тутулларын үбүлээһини хайдахтаах курдук туруоруста! Ааспыт сыл кэнники 10 сылга саамай ыарахан этэ. Онон балаһыанньа кытааппытынан, сорох эбийиэктэри үбүлээһин тохтуох курдук буолбута. Бырабыыталыстыба доруобуйа харыстабылын эбийиэктэрин тутууга үбүлээһини салгыыра саамай сөптөөх быһаарыы, — диэн кини эттэ.

Ангелина Васильева, “Саха сирэ” хаһыат, edersaas.ru

Хаартыска: yakut.er.ru

0
0