Хой
Бу нэдиэлэҕэ наһаа элбэх үлэни бэйэҕэр ылыма. Буолаары буолан саҥа, олох билбэт үлэҕин. Ол оннугар үбү-харчыны элбэтэргэ болҕомтоҕун уур. Тус олоххор соһуччу ситиһиилэр тосхойуохтара.
Оҕус
Олус таһаарыылаах нэдиэлэ эйигин күүтэр. Өссө атын дьон кыһалҕатын быһаарыаххын сөп. Ыксаллаах түгэннэр үөскүүр түгэннэригэр чугас дьонуҥ, табаарыстарыҥ көмө-ньыма буолуохтара. Үлэҕэр, тус олоххор табыллыаҥ. Көрдөөх-нардаах субуота кэтэһэр.
Игирэлэр
Наһаа элбэх үбү-харчыны таах халтайга ыытыаххын сөп. Нэдиэлэ саҥата интэриэһинэй санаалар киириэхтэрэ. Онон саҥа саҕалааһыннарыҥ үтүө түмүктээх эрэ буолуохтара.
Араак
Нэдиэлэ саҕаланыыта балаһыанньаҥ кытаатыыһык. Онон сэрэнэн-сэрбэнэн сырыт. Наһаа көҥүллүк, таптаабыккынан сылдьыма. Бу үтүөнү аҕалыа суоҕа. Аҕа саастаах дьонуҥ, табаарыстарыҥ сүбэлэрин иһит.
Хахай
Тапталлааххын наһаа күнүүлээмэ. Киһиэхэ эрэллээх буолуохтааххын. Бу нэдиэлэҕэ чугас дьоҥҥун кытары сыһыаныҥ өссө бөҕөргүө. Субуотаҕа чугас дьоҥҥун, табаарыстаргын кытары бириэмэҕин туһалаахтык атаар.
Кыыс
Нэдиэлэ саҕаланыыта туох баар кыһалҕаларгын быһаара сатаа. Хойутаттаххына ону быһаарарга ыарахаттардаах буолуоҕа. Дьыалабыай сыһыаннарыҥ сатаныа суохтарын сөп, туох эмит саҥа саҕалааһыҥҥа күрсэтэһээччилэриҥ мэһэйдэһиэхтэрэ. Өрөбүл күннэргин туһалаахтык атаар.
Ыйааһын
Баар кыһалҕалар барыта быһаарыллыахтара. Онон билигин ырааҕы-киэҥи толкуйдаан, инники олоххун былааннаа. Үп-харчы өттүгэр балаһыанньаҥ тупсууһук.
Скорпион
Наһаа сылайбыккын. Онон үлэҥ сүпсүлгэнэ суох ааһарын курдук соҕотоҕун сылдьан үлэлээ. Саҕалаабыт дьыалаҕын хайаан да тиһэҕэр тириэрт. Нэдиэлэ саҕаланыыта ханна эрэ айаҥҥа турунуоҥ.
Охчут
Олус үчүгэй нэдиэлэ үүммүт. Барыта эн санааҥ хоту барыаҕа. Ол гынан баран дьону кытары иирсэ сатаама, этиһиигэ кииримэ. Оччотугар барыта сатаныа. Болҕомтолоох буол.
Чубуку
Бу нэдиэлэҕэ бэйэҥ эрэ тускар буолбакка, хайа эрэ атын киһи оҥорбут дьыалатыгар эппиэттиэххин сөп. Онон сэрэхтээх буол. Оптуорунньукка саҥа киһини кытары билсиэҥ. Кини эйиэхэ саҥа саҕалааһыннаргар күүс-көмө буолуоҕа.
Күрүлгэн
Үүммүт нэдиэлэҕэ саҥа бытовой техниканы, пылесоһу, фены, тэлэбиисэри атыылаһарга саамай тоҕоостоох кэм. Оҕуруоккут аһын хомуйуҥ, ону сэргэ үлэҥ түмүктэрин таһаар.
Балыктар
Сатаан оҥорбот, кыайбат үлэҕэр ылсыма. Табыллыа суоҕун сөп. Ол оннугар элбэх бириэмэни тус олоххор анаа. Тус олоххор сыһыаннаах кистэлэҥнэргин кимиэхэ да кэпсээмэ, араас хоп-сип тарҕаныан сөп.
edersaas.ru